Meðganga
Hér getur þú nálgast ýmsar upplýsingar sem tengjast meðgöngunni. Meðal þess helsta er nákvæmt yfirlit yfir þroskaferli fósturs, myndir af fóstrinu á hverju stigi ferlisins, gröf yfir meðallengd og þyngd þess o.fl. Við hvetjum gesti til að fylgjast vel með þar sem margar nýjungar eru væntanlegar.
Fósturþroski
Vika 7
Vöðvar og taugar hafa öðlast virkni og barnið sýnir nú viðbrögð og getur hreyft sig hvenær sem er. Brjóstkassi og kviðarhol hafa tekið á sig endanlega mynd og lungun eru byrjuð að myndast en talsverðan tíma tekur fyrir lungun að ná fullum þroska. Hjartað er komið inn í brjóstholið og slær nú af krafti. Höfuðið hefur þroskast talsvert og hallar nú fram að líkamanum. Munnurinn getur nú opnast örlítið og augun sjást á bakvið himnu sem síðar verður að augnlokum. Augun eru þó enn að þroskast ásamt innra eyra en þar ákvarðast jafnvægi líkamans. Fingur hafa einnig tekið á sig mynd. Þyngd fóstursins er um 2 grömm og lengd um 17 - 22 mm.
Myndir
