Nafnliðir

Mörg íslensk nöfn eru eins og kubbar: þau eru sett saman úr tveimur nafnliðum. Hvor liður á sér sína merkingu og saman mynda þeir nafn. Arn- (örn) og -dís (gyðja) verða að Arndísi, Sig- (sigur) og -rún (leyndardómur) að Sigrúnu, og Þor- (þrumuguðinn Þór) og -steinn að Þorsteini.

Siðurinn er ævagamall og sameiginlegur germönskum þjóðum. Þýska nafnið Adelheid og íslenska Aðalheiður eru til dæmis sett saman úr sömu liðum. Merkingin er þó sjaldnast tekin bókstaflega: Hrafnhildur þýðir ekki endilega „hrafnaorrusta“. Að fornu völdu menn liði sem hljómuðu vel og báru góða merkingu, og oft voru þeir sóttir í nöfn foreldra eða forfeðra. Þannig getur barn enn í dag borið brot úr nöfnum ömmu og afa.

Hér eru allir liðir sem koma fyrir í að minnsta kosti þremur nöfnum á vefnum. Smelltu á lið til að sjá hvað hann merkir og hvaða nöfn bera hann.