Alexander

Frægastur nafnberanna er Alexander mikli, konungur Makedóníu á 4. öld f.Kr. Nafnið hefur lengi verið þekkt á Íslandi, meðal annars af Alexanders sögu, sem Brandur Jónsson ábóti þýddi á 13. öld.

Á lista Hagstofu Íslands yfir algengustu karlmannsnöfn landsins 1. janúar 2023 var Alexander í 23. sæti. Nafnið er í mikilli sókn. Samkvæmt Hagstofu Íslands hefur þeim sem bera nafnið sem fyrsta eiginnafn fjölgað úr 82 árið 1986 í 1.240 í ársbyrjun 2025. Við það bætast 307 sem bera nafnið sem annað eiginnafn. Í manntalinu 1703, fyrsta manntalinu sem náði til allrar þjóðarinnar, hétu 3 manns Alexander.

Svona beygist það: Alexander, Alexander, Alexander, Alexanders.