Strákanafn
Robert
Frægur og bjartur
Robert er ritháttarafbrigði af nafninu Róbert og merkir því það sama: „frægur og bjartur“.
Mannanafnanefnd samþykkti nafnið með úrskurði 30. janúar 2008.
Á lista Hagstofu Íslands yfir algengustu karlmannsnöfn landsins 1. janúar 2023 var Robert (talið ásamt rithættinum Róbert) í 22. sæti. Vinsældir nafnsins hafa aukist mikið. Árið 1986 báru 4 manns það sem fyrsta eiginnafn, en 1. janúar 2025 voru nafnberarnir 346 samkvæmt Hagstofu Íslands. Við það bætast 148 sem bera nafnið sem annað eiginnafn.